Connor Randall lánaður

Ungliðinn Connor Randall hefur verið lánaður. Hann mun spila út árið með Rochdale sem er í þriðju efstu deild. Þetta er önnur leiktíðin í röð sem hann er sendur til lánsdvalar. Á síðasta keppnistímabili spilaði Connor með Hearts í Skotlandi. Hann þótti standa sig nokkuð vel en skoska liðið vildi samt ekki kaupa hann. Árið 2015 var hann um tíma í láni hjá Shrewsbury Town. 

Connor, sem er varnarmaður, er alinn upp hjá Liverpool og hefur leikið átta leiki fyrir aðalliðið. Samingur hans við Liverpool rennur út næsta sumar.