Fyrsti sigur Liverpool á Rafael Benítez

Sigur Liverpool á Newcastle United var merkilegur fyrir þær sakir að þetta var í fyrsta sinn sem lið sem Rafael Benítez stjórnar tapar fyrir Liverpool. Hann hafði áður stjórnað þremur mismunandi liðum í fimm leikjum á móti Liverpool og aldrei tapað.

Tvívegis hafði Rafael stýrt Valencia, einu sinni Chelsea og svo Newcastle áður en kom að leiknum um helgina sem Liverpool vann 2:0. 

Rafael Benítez bíður nú það verkefni að verja sæti Newcastle United í efstu deild. Liðið er eitt þeirra sem er að berjast við falldrauginn. 


Þess má geta að vel kom í ljós í leik Liverpool og Newcastle í hversu miklum metum Rafael Benítez er hjá stuðningsmönnum liðanna. Á einum tímapunkti sungu stuðningsmenn beggja liða nafn Spánverjans svo bergmálaði á Anfield Road. Magnað!