Philippe orðinn leikmaður Barcelona

Philippe Coutinho er orðinn leikmaður Barcelona hvort sem stuðningsmönnum Liverpool líkar betur eða verr. Hann mætti í opinbera kynningu hjá félaginu í dag og þar með er komin staðfesting á vistaskiptunum.

Liverpool fær 142 milljónir sterlingspunda fyrir Brasilíumanninn og er það næst hæsta verð sem félag hefur fengið fyrir leikmann í sögunni. Aðeins landi hans Neymar hefur kostað meira en Paris St Germain borgaði Barcelona 200 milljónir sterlingpunda fyrir hann í sumar. 

Reyndar er einhver hluti upphæðarinnar háður ákveðnum ákvæðum en upphæðin er gefin upp sem 142 milljónir punda. Miklir peningar sem vonandi verða notaðir í góðar fjárfestingar hjá Liverpool!