| Sf. Gutt

Landsleikjafréttir

 

Síðustu landsleikjahrotu ársins er lokið. Nú tekur við stíf dagskrá félagsliða. Eitt og annað sögulegt gerðist í hrotunni. Kannski aðallega hjá fyrrum leikmönnum Liverpool.

Andrew Robertson, nú leikmaður Tottenham Hotspur, setti landsleikjamet fyrir Skotland. Hann er kominn með 103 landsleiki. 

Mohamed Salah, nú leikmaður Trabzonspor í Tyrklandi, setti markamet fyrir Egyptaland. Mörk hans fyrir Egyptaland eru nú orðin 70 talsins. 

Bradley Barcola og Jeremy Jacquet voru í liðshópi Frakka. Báðir voru með á móti Ítölum í leik sem Frakkar töpuðu 3:1 á útivelli. Þeir félagar voru líka með Frökkum í leik á móti Tyrklandi. Sá leikur vannst 2:1.

Rio Ngumoha kom inn sem varamaður þegar England vann Króatíu 2:1 á Wembley. Hann kom ekki í sögu í seinni leiknum þegar enskir unnu frækilegan 2:3 útisigur á heimsmeisturum Spánverja. Victor Munoz var í liðshópi Spánverja en kom ekkert inn á. Harry Kane, sóknarmaður Bayern Munchen, setti nýtt landsleikjamet í fyrri leiknum. Hann lék þá sinn 126. landsleik. Markmaðurinn Peter Shilton átti gamla metið sem var 125 leikir. 

Cody Gakpo og Kostas Tsimikas mættust í leik Hollands og Grikklands. Hollendingar unnu risasigur 7:0. Kostas spilaði líka í 1:0 sigri á Serbíu.

Florian Wirtz átti tvo frábæra landsleiki. Hann skoraði í 1:3 sigri Þjóðverja í Serbíu. Florian átti svo stórleik og skoraði tvö mörk þegar Þýskaland tók Holland í gegn 5:0 í Berlín. Þetta var 50. landsleikur Florian. Cody var í liði Hollands. Jürgen Klopp er greinilega byrjaður að ná takti með þýska landsliðið. 

Dominik Szoboszlai og Milos Kerkez voru á ferðinni með ungverska landsliðinu. Dominik lagði upp mark í fyrri leiknum þegar Ungerjar unnu 0:2 í Georgíu. Giorgi Mamardashvili var í markinu hjá Georgíumönnum. Armin Pecsi var varamarkmaður hjá Ungverjum. Dominik og Milos spiluðu líka í 1:1 jafntefli við Norður Írland. Kieran Morrison kom inn sem varamaður hjá Norður Írum. Giorgi lék á móti Úkraínu. 

Alexander Isak kom við sögu í öðrum af tveimur landsleikjum Svíþjóðar. 

Lewis Koumas var í byrjunarliði Wales í Noregi. Wales tapaði 3:1. Hann kom svo inn sem varamaður þegar Wales tapaði  aftur og nú heima 2:3 fyrir Portúgal. Danny Ward, fyrrum markmaður Liverpool lék sinn 50. landsleik. Hann spilar nú með Wrexham.

Alexis Mac Allister og Ronald Araujo mættust með sínum þjóðum í vináttuleik. Úrúgvæ vann 1:2 útisigur í Argentínu. Alexis skoraði í seinni leik Argentínu þegar liði burstaði Kosta Ríka 7:0. Ronald lék svo með Úrúgvæ þegar hans þjóð vann öruggan 5:0 sigur á Dóminíska lýðveldinu.

Kyle Kelly lék báða landsleiki Sankti Kitts og Nevis. Hann er lánsmaður hjá Forest Green Rovers.

Keyrol Figueroa tók þátt í báðum landsleikjum Hondúras. Hann er í láni hjá Port Vale.

Trey Nyoni lék í fyrsta sinn með undir 21. árs landsliði Englands. 

 

TIL BAKA
Nýlegar fréttir
Fleiri fréttir
Fréttageymslan