Sami Hyypia áritar

Eins og við höfum kynnt er fyrrum fyrirliði Liverpool, Sami Hyypia að koma hingað til lands og verður heiðursgestur á árshátíð Liverpoolklúbbsins miðvikudagskvöld þar sem 300 stuðningsmenn koma saman og skemmta sér.

Félagsmönnum verður boðið að hitta kappann fyrir árshátíðina en Hyypia verður í verslun Jóa Útherja á miðvikudag frá kl 15:30 til 17:00 að árita treyjur, myndir eða hvaðeina sem fólk vill. Hann mun árita einn hlut á mann en auk þess fá allir mynd af sér með kappanum. 

Það verða útprentaðar myndir á staðnum ef fólk gleymir heima.

Hyypia mætir svo í Kórinn kl 19 á miðvikudagskvöldið þar sem árshátíð stuðningsmanna Liverpool fer fram. Það eru örfáir miðar eftir og því magnað kvöld framundan. Miða má kaupa á midi.is með því að smella hér.