Salan á Skrtel staðfest

Í dag var formlega tilkynnt að varnarmaðurinn Martin Skrtel hafi verið seldur til tyrkneska liðsins Fenerbahce.

Kaupverðið er talið vera í kringum 5.5 milljónir punda.  Skrtel kom til félagsins í janúar árið 2008 var meira og minna fastamaður í byrjunarliði félagsins uppfrá því.  Á síðasta tímabili var þó ljóst að hann væri ekki fyrsti maður á blað hjá Jurgen Klopp og því fóru sögusagnir á kreik um að hann yrði seldur í sumar.  Það hefur legið nokkuð lengi fyrir að hann væri á leið til Tyrklands en nú hefur það semsagt verið formlega staðfest.

Alls spilaði Skrtel 320 leiki í öllum keppnum fyrir Liverpool og skoraði 18 mörk.

Við þökkum Martin Skrtel fyrir hans framlag til Liverpool og óskum honum góðs gengis hjá nýju félagi.