Sakho bíður enn

Mamadou Sakho bíður enn eftir að fá að vita hversu langt bann hann hlýtur fyrir að falla á lyfjaprófi í apríl síðastliðnum.

30 daga bann sem hann var settur í af evrópska knattspyrnusambandinu, UEFA, er að klárast en þrátt fyrir það hefur engin tilkynning borist frá sambandinu um lengd bannsins.

Sakho var sendur í lyfjapróf eftir 1-1 jafntefli við Manchester United á Old Trafford í seinni leik 16-liða úrslitanna í Evrópudeildinni.  Hann neitaði svo að láta athuga B sýni og játaði á sig ákæru en einhverskonar fitubrennsluefni, sem er ólöglegt, fannst í sýni hans.

Hann missti af síðustu sjö leikjum liðsins á tímabilinu, þar með talið úrslitaleiknum í Evrópudeildinni og hann verður auðvitað ekki með Frökkum á EM í sumar.

Talsmaður UEFA sagði varðandi þetta mál:  ,,Engin dagsetning hefur verið ákveðin ennþá.  En frekari upplýsingar liggja fyrir í næstu viku."