Breyting á leiktíma í Evrópudeild

Evrópska knattspyrnusambandið hefur samþykkt beiðni Trafford Council í Manchester þess efnis að leiktíma á seinni leik Liverpool og Manchester United verður seinkað.

Leikurinn átti upphaflega að hefjast kl. 18:00 fimmtudaginn 17. mars en yfirvöld í Manchester höfðu áhyggjur af því að mikill fjöldi áhorfenda myndu ekki komast á völlinn í tæka tíð vegna mikillar umferðar.  Háannatími er í umferðinni um það leyti sem flestir stuðningsmenn myndu vera á leiðinni á völlinn.

Því var samþykkt að hefja leik klukkan 20:05 að staðartíma en fyrri leikur liðanna á Anfield fer einnig fram á þeim tíma þann 10. mars.