| Sf. Gutt

Munaði litlu að markið yrði aldrei skorað!


Eins og allir muna þá skoraði Philippe Coutinho sigurmark Liverpool gegn Stoke City. Markið var ekki bara stórglæsilegt heldur tryggði það Liverpool mikilvægan sigur í fyrstu umferð deildarinnar. En það munaði litlu að markið yrði aldrei skorað.  

Philippe var í byrjunarliði Liverpool en hann var aðeins búinn að spila einn æfingaleik fyrir leikinn við Stoke og var því ekki í jafn góðri æfingu og flestir félaga hans. Philippe fékk nefnilega lengra sumarfrí vegna þess að hann var að spila með brasilíska landsliðinu í Suður Ameríkukeppninni. 


Þegar komið var fram á lokakafla leiks Liverpool og Stoke var Brendan Rodgers farinn að íhuga að taka Philippe af leikvelli enda Brasilíumaðurinn farinn að lýjast. En áður en að því kom skoraði ,,Litli töframaðurinn" þetta líka glæsimarkið sem tryggði Liverpool sigur og öll stigin í Stoke. Það getur verið stutt á milli þess að taka góðar ákvarðanir eða slæmar!



TIL BAKA
Nýlegar fréttir
Fleiri fréttir
Fréttageymslan