Firmino valinn í brasilíska landsliðið

Brasilía leikur tvo vináttuleiki í næsta mánuði og Roberto Firmino hefur verið kallaður í hópinn. Það vekur þó athygli að Philippe Coutinho hlaut ekki náð fyrir augum Dunga landsliðsþjálfara að þessu sinni.

Dunga valdi 24 manna hóp fyrir leikina tvo við Costa Rica og Bandaríkin en þetta eru vináttuleikir eins og áður sagði.

Firmino hefur spilað 10 leiki til þessa með landsliði sínu og skorað í þeim 4 mörk.