Steven fór upp fyrir Robbie!

Hið magnaða sigurmark Steven Gerrard gegn Q.P.R. á Anfiled í gær fór á spjöld sögunnar. Markið þýðir að Steven er nú fimmti markahæsti leikmaður í sögu Liverpool.


Um leið og boltinn þandi netmöskvana fyrir framan The Kop, á 87. mínútu, hafði Steven Gerrard skoraði í 184. sinn fyrir Liverpool. Um leið færðist hann upp fyrir Robbie Fowler á markalista félagsins en þeir hafa verið jafnir á listanum góða frá því Steven skoraði í 3:2 sigri Liverpool á Tottenham í febrúar. Enn eitt afrekið hjá fyrirliðanum sem fagnaði markinu ógurlega. Hann hefur örugglega ekki velt því fyrir sér að hann var að færst upp á markalista Liverpool. Aðalatriðið fyrir hann var að bæta fyrir að hafa mistekist að skora úr vítaspyrnu nokkru fyrr og tryggja liðinu sínu sigur!

Ian Rush er auðvitað efstur á markaskoraralistanum með 346 mörk. Annar er Roger Hunt með 285. Gordon Hodgson er í þriðja sæti en hann skoraði 241 mark. Fjórði er Billy Liddell með 228 mörk og svo kemur Steven Gerrard með sín 184.