| Sf. Gutt

Frábært að geta hjálpað liðinu

Það var ekki ónýtt að fá Daniel Sturridge til leiks á nýjan leik gegn West Ham um helgina. Hann gat heldur ekki byrjað betur því hann skoraði eftir nokkrar mínútur. Hann var þó fyrst og síðast ánægur með að geta hjálpað liðinu sínu.

,,Það var frábær tilfinning að geta hjálpað liðsfélögum mínum að ná þremur stigum. Það mikilvægasta er að komast til verka og hjálpað liðinu að vinna leiki."

Daniel skoraði eftir frábæra sendingu frá Philippe Coutinho. Hann segir að þeir nái mjög vel saman.

,,Þetta var frábært hjá Coutinho. Við náum stórvel saman. Hann þekkir hlaupin mín vel og ég veit líka hvers konar sendingar honum líkar að senda. Hann auðveldar mér vinnuna. Þegar ég sá hann leika inn á miðjuna vissi ég myndi fá sendingu frá honum. Þá þurfti ég bara að einbeita mér að því að hitta markið."

Daniel hitti sannarlega markið og boltinn lá í markinu. Tvö mörk í fjórum leikjum hjá honum!


TIL BAKA
Nýlegar fréttir
Fleiri fréttir
Fréttageymslan