Markovic fær treyjunúmer

Einn af nýju leikmönnum félagsins, Lazar Markovic, var ekki búinn að fá úthlutað númeri hjá félaginu. Í dag var staðfest að hann verður númer 50.


Það verður nú að teljast nokkuð sérstakt að svona hátt númer sé fyrir valinu, að minnsta kosti í enska boltanum, en Markovic hefur ávallt haft þetta númer á bakinu á sínum ferli.

Allt frá því að hann spilaði sinn fyrsta leik fyrir Partizan Belgrad og á sínu fyrsta og eina tímabil með Benfica hefur hann verið með töluna 50.

Nú hefur semsagt verið staðfest að hann fái þetta númer hjá Liverpool. Hann missti af fyrsta leik tímabilsins á sunnudaginn var en ætti að vera klár í slaginn á mánudaginn þegar liðið sækir Manchester City heim.