Stuðningsmennirnir færa okkur trú!

Það var mögnuð stemmning á Anfield á sunnudaginn þegar Liverpool komst í efsta sæti deildarinnar. Brendan Rodgers segir að stuðningsmenn Liverpool séu ómetanlegir. Þeir færi liðinu trú og styrk og geti skipt sköpum á lokasprettinum í deildinni.

,,Þeir gefa okkur, liðinu sjálfu og þjálfaraliðinu, stóran skammt af súrefni. Það er frábært að stuðningsmennirnir hafi svona mikla trú og það er mikilvægt að þeir finni að þeir geti látið sig dreyma. Við verðum á hinn bóginn að einbeita okkur, halda yfirvegun og skapstyrk og leggja hart að okkur því draumar verða ekki til upp úr þurru. Við verðum líka að klára okkar verk því annars gerist ekkert. Við leggjum alla einbeitingu okkar í einn leik í einu."

,,Það er magnað fyrir stuðningsmennina að koma til Anfield og sjá liðið sitt vinna og horfa á það hafa yfirhöndina gegn mótherjum sínum. En við þurfum að halda áfram að bæta okkur. Við erum ekki að tjalda til einnar nætur og hugsa bara um þessa leiktíð. Þessi framþróun sem er í gangi núna hófst fyrir 18 mánuðum og við munum halda áfram að vinna að henni."

Það er búin að vera mögnuð stemmning á Anfield á leiktíðinni og ekki verður hún minni á þeim leikjum sem Liverpool á eftir að spila þar til loka leiktíðarinnar!

Hér má sjá og heyra stuðningsmenn Liverpool syngja þjóðsönginn fyrir leik Liverpool og Tottenham.