| Heimir Eyvindarson

Downing til Newcastle?

Liverpool Echo heldur því fram í gær að Newcastle sé í þann veginn að kaupa Stewart Downing. Kaupverðið mun vera 5 milljónir punda. 15 milljónum minna en Liverpool greiddi fyrir kappann.

Það er óhætt að segja að Stewart Downing hafi ekki staðið undir væntingum hjá Liverpool frá því að Kenny Dalglish keypti hann á 20 milljónir sumarið 2011.

Hann hefur þó sýnt elju og þrautseigju og átti oft ágæta spretti á síðustu leiktíð. Nú bendir ýmislegt til þess að hann sé á förum frá Bítlaborginni. 

Í frétt Echo er fullyrt að óformlegar samningaviðræður séu hafnar og að Liverpool hafi komið þeim skilaboðum norður til Newcastle að Downing sé falur fyrir 5 milljónir punda.

Fyrr í sumar sýndi West Ham áhuga á þjónustu hins 29 ára gamla vængmanns, en þá kaus Downing að vera um kyrrt og berjast fyrir sæti sínu í liðinu. Heimildir Liverpool Echo herma hinsvegar að hann sé tilbúinn til þess að fara til Newcastle.

Við sjáum hverju fram vindur.

TIL BAKA
Nýlegar fréttir
Fleiri fréttir
Fréttageymslan