Markahæsti maður deildarinnar!

Luis Suarez varð markahæsti leikmaður deildarinnar þegar hann skoraði tvívegis í 3:0 sigri Liverpool á Wigan um síðustu helgi. Hann er þar með búinn að skora tíu deildarmörk.

Alls hefur hann skorað þrettán mörk í öllum keppnum og það lofar góðu. Á síðasta keppnistímabili skoraði hann seytján mörk og varð markakóngur Liverpool. Við þetta má bæta að Luis hefur líka skorað nokkur mörk fyrir Úrúgvæ núna frá því þessi leiktíð hófst. 

Luis er nú búinn að skora í fjórum deildarleikjum í röð og nú er að sjá hvort hann nær að skora á móti Swansea í Wales á morgun.