Merkilegt mark

Steven Gerrard skoraði merkilegt mark á móti Gomel í Evrópudeildinni um daginn. Markið var númer 150 á ferli fyrirliðans hjá Liverpool. 

Við bætist að hann hefur nú skorað á fjórtán keppnistímabilum í röð. Hafa fáir leikmenn Liverpool skorað á jafn mörgum keppnistímabilum. Steven skoraði fyrsta mark sitt á leiktíðinni 1999/2000 þegar Liverpool vann Sheffield Wednesday 4:1. 

Aðeins átta leikmenn hafa skorað fleiri mörk en Steven í sögu Liverpool. Hann á vonandi eftir að skora slatta í viðbót áður en hann hættir!