Sammy sannfærður um sigur!

Liverpool mætir Norwich City á Carrow Road síðar í dag. Sammy Lee fyrrum leikmaður og þjálfari hjá Liverpool, sem nú er staddur hér á Íslandi, segist sannfærður um að Liverpool muni vinna sigur. Fréttaritari Liverpool.is spurði Sammy í gærkvöldi hverju hann spáði fyrir um leik Liverpool í Norwich.

,,Ég er alveg sannfærður um að Liverpool vinnur Norwich og hef ekki nokkrar efasemdir þar um. Leikurinn er á útivelli og það er ekki verra því Liverpool hefur gengið betur á útivöllum en á Anfield á þessu keppnistímabili."

Sammy Lee er hér á Íslandi sem heiðursgestur á Árshátíð Liverpool klúbbsins sem haldin verður á Spot í Kópavogi í kvöld.