Steven meiddur!

Steven Gerrard gat ekki leikið með Liverpool í gær gegn West Bromwich Albion vegna meiðsla. Óvíst er hversu alvarleg þau eru.
 
Það kom öllum á óvart að Steven Gerrard var ekki í liði Liverpool þegar byrjunarliðin voru tilkynnt í gær. Á blaðamannafundinn eftir leikinn upplýsti Kenny Dalglish málið. Hann sagði að Steven hefði fengið sýkingu í annan ökklann. Hann hefði reiknað með honum í leikinn en sýkingin hafi blossaði upp á síðustu stundu.

Kenny sagði að það væri óljóst hversu lengi Steven yrði frá en hann myndi vera skoðaður eftir helgina. Hann áréttaði að þessi meiðsli væru ekki á neinn hátt tengd nárameiðslunum sem héldu honum frá leik í hálft ár.

Jamie Carragher var líka fjarri góðu gamni í gær. Ástæðan var sú að hann var tognaður á kálfa. Ekki er heldur víst hversu lengi hann verður frá keppni.