Alberto lánaður?

Mikið er fjallað um það í fjölmiðlum í dag að Alberto Aquilani verði lánaður til Ítalíu á nýjan leik á komandi keppnistímabili. Haft er eftir umboðsmanni hans að ekkert standi í veginum fyrir láni til Fiorentina nema að Alberto nái samkomulagi um sín mál. Eins og allir vita þá var Alberto í láni hjá Juventus síðasta vetur.

Vitað er að Liverpool vill helst selja Ítalann en það hefur enn ekki tekist að koma honum í verð í sumar. Annars hefur Alberto þótt standa sig vel í æfingaleikjunum sem nú eru að baki.