Brad Friedel kemur ekki

Bandaríski markmaðurinn Brad Friedel kemur ekki til Liverpool eins og líklegt var talið. Það verður því ekkert af endurkomu hans til Liverpool en þar hóf hann farsælan feril sinn á Englandi.

Brad hefur síðustu keppnistímabil spilað með Aston Villa en þar áður með Blackburn Rovers. Samningur hans við Villa var að renna sitt skeið. Í stað þess að koma til Liverpool eins og möguleiki var talinn á þá ákvað Brad að gera samning við Tottenham Hotspur. 

Brad Friedel er búinn að vera einn besti markmaðurinn í Úrvalsdeildinni síðustu árin og það hefði verið fengur að því að fá hann til Liverpool. Hann hefur þó líklega talið að hann ætti meiri möguleika á að spila aðalliðsleiki með Tottenham en Liverpool og það er alveg rétt metið hjá honum.