Javier Mascherano Evrópumeistari!

Javier Mascherano varð í kvöld Evrópubikarmeistari með Barcelona. Þetta var annar titill hans á fyrsta keppnistímabili hans með Barca en liðið varð Spánarmeistari á dögunum.

Javier lék sem miðvörður í kvöld á Wembley þegar Barcelona sundurspilaði Manchester United og vann 3:1 sigur sem hefði vel getað verið stærri. Annar fyrrum leikmaður Liverpool kom ekkert við sögu. Sá var Michael Owen sem sat á varamannabekknum hjá Manchester United eins og oftast áður. 

Javier Mascherano náði nú að verða Evrópumeistari en hann var í tapliði hjá Liverpool 2007 þegar liðið tapaði 2:1 fyrir AC Milan í Aþenu. Argentínumaðurinn lék einn leik með Liverpool á þessari leiktíð áður en hann fór til Barcelona.

Eftir leikinn veitti Javier Mascherano stuðningsmönnum Liverpool hlutdeild í sigrinum í viðtali við Sky sjónvarpsstöðina! Hann sagði meðal annars þetta.

,,Það er mjög gleðilegt, fyrir alla knattspyrnumenn, að vinna Meistaradeildina. Það má bæta því við að stuðningsmenn Liverpool voru svolítið leiðir eftir að ég fór frá félaginu svo þessi sigur er líka fyrir þá."

Við óskum Javier til hamingju með titlana tvo.

Hér má sjá viðtal við Javier sem var tekið eftir leikinn.

Hér eru myndir úr leiknum af vefsíðu BBC.