Stephen Darby lánaður

Bakvörðurinn Stephen Darby hefur verið lánaður til Notts County til loka tímabilsins.

Darby var á láni hjá félaginu fyrr á tímabilinu og þótti standa sig vel.  Hann spilaði alls tíu leiki fyrir félagið, átta í deildinni og tvo í FA bikarnum.  Félagið vildi því nýta sér starfskrafta hans áfram og verður hann hjá þeim til 31. maí 2011.

Notts County spila í League One og eru sem stendur í 17. sæti deildarinnar með 30 stig.