Liverpool tekur tilboði í Mascherano!

Svo virðist sem að sögunni endalausu um Javier Mascherano sé að ljúka en í morgun greindi Liverpool frá því að félagið hafi tekið tilboði frá Bracelona í argentíska miðjumanninn.

Það hefur mátt búast við þessum fréttum í mest allt sumar eftir að hann greindi Roy Hodgson frá því að hann hefði í hyggju á að yfirgefa liðið.

Ekki hefur komið fram hvað kaupverðið er hátt en talið er að Liverpool vildi fá hátt í 24 milljónir punda, Mascherano er nú að hefja viðræður við Barcelona um kaup og kjör áður en félagsskipti hans ganga í gegn.

Tvö lið voru í baráttunni um hann en nú virðist Barcelona hafa betur í baráttunni við Rafael Benítez og félaga hjá Inter.