| Sf. Gutt

Mikel San José seldur

Spánverjinn ungi Mikel San José Domínguez hefur verið seldur frá Liverpool. Hann var í láni hjá Athletic Bilbao á þessu keppnistímabili og nú hefur hann verið seldur til félagsins. Liverpool keypti hann frá Bilbao á 270.000 sterlingspund sumarið 2007.

Fregnir herma að Liverpool hafi fengið 2.6 milljónir fyrir Mikel og verða þessi viðskipti að teljast vel heppnuð miðað við að í hlut átti leikmaður sem aldrei lék með aðalliðinu. Mikel komst einu sinni á varamannabekk aðalliðsins og er meðfylgjandi mynd tekin þá. Hér má sjá um hvaða leik var að ræða.

Mikel, sem hefur spilað með undir 21. árs landsliði Spánar þykir með efnilegri varnarmönnum Spánverja. Hann var fastamaður í liði Bilbao á þessari leiktíð og þótti standa sig með miklum sóma í vörn liðsins.














TIL BAKA
Nýlegar fréttir
Fleiri fréttir
Fréttageymslan