Meiðsli eftir Blackburn leikinn

Leikurinn gegn Blackburn tók sinn toll af leikmönnum liðsins.  Fabio Aurelio fór meiddur af velli og í dag kom í ljós að Daniel Agger þarf að láta meðhöndla bólgið hné.  Auk þess er Maxi Rodriguez með takkaför á bringunni eftir glórulausa tilraun Pascal Chimbonda til að meiða Argentínumanninn.

Talsmaður félagsins sagði þetta um meiðsli Agger í dag:  ,,Daniel fór í skoðun í dag og í ljós komu miklar bólgur í beini í hnénu á honum.  Hnéð er ennþá mjög bólgið og hann mun verða áfram undir eftirliti lækna á Melwood í vikunni."