Sigur skiptir öllu!

Það styttist í rimmu Liverpool og Everton sem fer fram á Anfield Road á morgun. Jose Reina, sem hefur leikið frábærlega í marki Liverpool á leiktíðinni, segir að öllu máli skipti að vinna sigur í þessum leik.

"Það snýst allt um að skora einu marki meira en móherjinn gerir og vinna leikinn. Sjálfstraustið eflist með sigri. Leikurinn við Everton er gríðarlega mikilvægur fyrir okkkur. Við vitum það fullvel. En við spilum á heimavellinum okkar og stuðningsmenn okkar munu fylla leikvanginn."

"Það verður líka barist um stoltið. Við vitum að við höfum ekki staðið okkur eins vel og við ættum að hafa gert og við höfum þurft að hugleiða þessa stöðu okkar. En núna er eina markmið okkar að leggja Everton að velli."