Fótbolta Pub quiz PLAYERS

Klukkan 21:00 í kvöld er Pub-Quiz keppni á Players í Kópavogi. Þetta er í annað sinn sem að Players stendur fyrir slíkri keppni en síðastliðinn fimmtudag var fjölmennt á staðnum.

Hjörvar Hafliðason semur spurningar og er spyrill. 32 spurningar eru í Pub-Quizinu í kvöld, 16 í fyrri hálfleik og 16 í seinni hálfleik. Tveir menn eru saman í liði.

Í verðlaun eru kassar af bjór, gjafabréf í bjórskólann, matarúttektir á Players, gjafabréf frá Jóa Útherja, DVD diskurinn Atvinnumennirnir okkar og bókin mannasiðir eftir Egil "Gillz" Einarsson.

Verðlaun eru veitt fyrir þrjú efstu sætin auk þess sem þeir allra lélegustu verða verðlaunaðir.