Merkilegt mark

Markið sem Ryan Babel skoraði fyrir Liverpool gegn PSV Eindhoven var sögulegt. Þetta var 300. markið sem Liverpool skorar í Evrópubikarnum.

Í þessari tölu teljast mörk í Evrópukeppni Meistaraliða og Meistaradeildinni. Fyrsta markið var skorað á Laugardalsvellinum þann 17. ágúst árið 1964. Gordon Wallace kom þá Liverpool í 1:0 gegn K.R. Liverpool vann þann leik, sem var í Evrópukeppni meistaraliða, 5:0.

Þess má geta að Steven Gerrard hefur skorað flest Evrópumörk LIverpool eða 30 talsins. Af þeim hefur hann skorað 26 í Evrópubikarnum. Steven á sem sagt 26 af þessum 300 Evrópubikarmörkum.

Í öllum Evrópukeppnum hefur Liverpool skorað rúmlega 500 mörk. Yossi Benayoun skoraði 500. markið þegar Liverpool vann Besiktas 8:0 á síðustu leiktíð.