Voronin lánaður til Hertha Berlin
Andriy Voronin hefur verið lánaður til þýska liðsins Hertha Berlin en það var nokkuð ljóst að Úkraníumaðurinn síðhærði myndi ekki fá mörg tækifæri hjá Rafa Benítez á leiktíðinni.
Andriy Voronin hefur skorað 6 mörk í 27 leikjum fyrir félagið og hefur hann ekki náð að festa sig í sessi eftir slitrótt tímabil í fyrra þar sem hann var þó nokkuð meiddur. Hann hefur því ákveðið að grípa tækifærið og halda aftur til Þýskalands en eins og menn líklega muna kom hann á frjálsri sölu til Liverpool frá Bayer Leverkusen.
Dieter Hoeness, forstjóri Hertha Berlin, var mjög ánægður með að fá Úkraínumanninn. "Við völdum að fá Andriy til liðs við okkur því hann þekkir Þýsku deildina vel. Hann talar þýsku og getur spilað í mörgum mismunandi leikkerfum. Andriy sannaði hjá Leverkusen og Liverpool að hann ræður vel við að leika undir álagi. Ég er ánægður með að hafa fundið reyndan sóknarmann því við erum með ungt lið."
Þess má til gamans geta að Andriy Voronin lék gegn Hertha Berlin með Liverpool á undirbúningstímabilinu. Liðin gerðu 0:0 jafntefli og markvörður Hertha varði víti frá Andriy sem var markahæsti leikmaður Liverpool á undirbúningstímabilinu með þrjú mörk.
-
| HI
Aftur niður á við -
| Sf. Gutt
Diogo Jota meiddur -
| Mummi
Aðalfundur Liverpoolklúbbsins 28. maí 2024 -
| Sf. Gutt
Nýr talinn líklegur eftirmaður Jürgen Klopp! -
| Sf. Gutt
Mark númer 100! -
| Sf. Gutt
Markmiðið er að vinna alla leikina! -
| Sf. Gutt
Í rétta átt! -
| Sf. Gutt
Við erum vonsviknir! -
| HI
Úr leik í Evrópudeildinni -
| Sf. Gutt
Conor Bradley meiddur