Pepe Reina gæti komist í sögubækurnar

Pepe Reina mun komast í sögubækurnar ef hann spilar gegn AC Milan í Meistaradeildinni næstkomandi miðvikudag. Spánverjinn mun komast í hóp valinkunnra leikmanna sem eiga feður sem einnig hafa leikið í úrslitum Evrópukeppninnar.

Faðir Reina, Miguel Reina Santos, spilaði með Atletico Madrid í úrslitum Evrópukeppni Meistaraliða, eins og keppnin hét þá, gegn Bayern Munchen árið 1974.  Leikurinn fór í framlengingu og Atletico komust yfir. Á lokamínútunni fékk Miguel Reina á sig mark eftir skot af löngu færi sem varð til þess að spila þurfti leikinn aftur. Sá leikur endaði með stórsigri Bayern, 4:0.

Paulo Maldini sem mun líklega spila með AC Milan á miðvikudaginn, ef hann nær sér af meiðslum.  Hann  hefur leikið í hvorki fleiri né færri en sjö úrslitaleikjum í Evrópukeppninni og var sá fyrsti árið 1989.  Hann fylgdi þá í fótspor föður síns, Cesare, sem vann keppnina með Milan árið 1963 eftir sigur á Benfica á Wembley.

Manuel Sanchis Hontiyuelo var í sigurliði Real Madrid árin 1998 og 2000.  Faðir hans, Sanchis Martinez var í liði Real Madrid sem vann keppnina í sjötta sinn árið 1966.

Nú er bara að óska þess að örlög Jose Reina verði ekki þau sömu og föður hans og hann verði í sigurliðinu þann 23. maí.