Sami dómari og í Istanbul!

Það veit kannski á gott að dómarinn sem dæmir undanúrslitaleik Liverpool og Chelsea á þriðjudaginn er sá hinn sami og dæmdi úrslitaleikinn gegn Milan árið 2005 í Istanbul.

"Liverpool FC mun án efa vera ánægt með að endurnýja kynni sín af dómara hins eftirminnilega úrslitaleiks í Meistaradeildinni árið 2005, stóð í tilkyninngu UEFA.

Þessi meistari heitir Manuel Enrique Mejuto Gonzalez og er frá Spáni. Vonandi verða úrslitin hagstæð eins og í leiknum gegn Milan og annar sögulegur sigur líti dagsins ljós.