Gleymdi vegabréfinu !

Það sannaðist að Steven Gerrard er mannlegur eftir allt.  Hann var kominn út á John Lennon flugvöllinn í Liverpool á leið til Hollands þegar hann uppgötvaði að hann hefði gleymt vegabréfinu heima.  Nú voru góð ráð dýr.

Gripið var til þess ráðs að fá leigubílstjóra til að skjótast í einum grænum heim til Steven þar sem Alex heitkona hans beið með vegabréfið.

Steven mátti svo mátti horfa á liðsfélaga sína tékka sig inn og fara út í flugvél á meðan hann beið stressaður eftir að leigubílstjórinn birtist.

Allt fór vel að lokum og Steven komst með í flugið ásamt Peter Crouch og John Arne Riise.  Ekki fór alveg eins vel hjá leigubílstjóranum en hann lenti í smá árekstri þegar hann var að keyra burt af flugvellinum. Atvikið var þó sem betur ekki alvarlegt.