Mark spáir í spilin
Þrátt fyrir að Liverpool hafi komist áfram í Meistaradeildinni á kostnað ríkjandi Evrópumeistara þarf liðið að bæta sig í deildinni. Bikarmeistararnir hafa aðeins unnið einn af síðustu fimm deildarleikjum sínum. Vissulega er liðið vel statt hvað það varðar að ná einu af fjórum efstu sætunum í deildinni sem gefur kost á því að komast í Meistaradeildina á næstu leiktíð. Sem stendur er Liverpool í fjórða sæti en mótherjarnir á morgun eru í því þriðja og markmiðið hlýtur að vera að komast sem allra efst í deildinni. Sigur gegn Arsenal væri því meira en lítið kærkominn.
Það er ekki bara að Liverpool þurfi að vinna til að styrkja stöðu sína í deildinni. Liverpool á sannarlega harma að hefna gegn Arsenal. Liverpool tapaði deildarleiknum í London. Ekki nóg með það heldur sló Arsenal Liverpool bæði út úr F.A. bikarnum og Deildarbikarnum. Þrír tapleikir gegn Arsenal og í þessu leikjum hafa Skytturnar skorað tólf mörk gegn Liverpool! Það er því að miklu að keppa hjá Liverpool á morgun. En til þess að vel gangi þá þurfa leikmenn Liverpool að fara að skora. Það hefur gengið illa og leikmenn Liverpool hafa ekki skorað mark í síðustu þremur leikjum. Úr því þarf að bæta. Mark Lawrenson er tilbúinn með spá um stórleik helgarinnar.
Liverpool v Arsenal
Bæði þessi lið munu tryggja sér sæti í Meistaradeildinni. Það vantar nokkra lykilmenn í lið Arsenal. Að þessu sinni tel ég að það sé komið að Liverpool vinni eftir að Arsenal hafi vegnað betur í síðustu bardögum liðanna.
Úrskurður: Liverpool v Arsenal. 2:1.
-
| HI
Aftur niður á við -
| Sf. Gutt
Diogo Jota meiddur -
| Mummi
Aðalfundur Liverpoolklúbbsins 28. maí 2024 -
| Sf. Gutt
Nýr talinn líklegur eftirmaður Jürgen Klopp! -
| Sf. Gutt
Mark númer 100! -
| Sf. Gutt
Markmiðið er að vinna alla leikina! -
| Sf. Gutt
Í rétta átt! -
| Sf. Gutt
Við erum vonsviknir! -
| HI
Úr leik í Evrópudeildinni -
| Sf. Gutt
Conor Bradley meiddur