Recreativo vill kaupa Sinama-Pongolle

Spænska liðið Recreativo, sem Florent Sinama-Pongolle er á láni hjá, hefur lýst yfir vilja sínum að kaupa leikmanninn unga eftir tímabilið.

Í samningi sem gerður var við spænska liðið hefur það möguleika á að kaupa Pongolle eftir tímabilið en hingað til hefur félagið sagt að það hafi ekki efni á honum.

Nú hefur sú staða breyst eftir að liðið hefur gengið frá sölu á tveim leikmönnum í sumar og segist nú hafa efni á Frakkanum unga.  Pongolle hefur staðið sig mjög vel á þessu tímabili og hefur skorað 9 mörk í þeim 14 leikjum sem hann hefur byrjað inná í og liðið á möguleika á Evrópusæti þegar þetta er skrifað.

Líklegt er að verðmiðinn á Pongolle sé um fjórar milljónir punda.