Ablett hrósar Padelli

Daniele Padelli, sem lék sinn fyrsta leik fyrir hönd Liverpool, stóð sig með prýði og átti frábæran leik þegar liðið tapaði 1-0 fyrir varaliði Middlesbrough.  Padelli átti mjög stóran þátt í því að liðið tapaði einungis 1-0 þar sem hann átti nokkrar frábærar markvörslur.

Ungt lið Liverpool reyndu hvað þeir gátu og gáfust aldrei upp þrátt fyrir þónokkra yfirburði Middlesbrough sem stilltu upp sterku liði sem innihélt meðal annars Jason Euell og Robert Huth.

,,Daniele stóð sig vel og getur verið sáttur með leik sinn," sagði Ablett.

,,Um tíma var erfitt fyrir okkur frammi á vellinum í fyrri hálfleik því Jordy Brouwer var oft einmana á okkar vallarhelmingi og við fengum ekki aðstoð fyrir hann nógu fljótt sem var mjög leiðinlegt."

,,Við byrjuðum ágætlega í síðari hálfleik en það fór að ganga illa eftir að Besian Idrizaj var rekinn útaf fyrir tvær kjánalegar tæklingar. Til að vera sanngjarn við Besian þá baðst hann afsökunar eftir leikinn og hann vissi að hann hafði gert rangt."

,,Þessir ungu drengir lögðu sig alla fram og þó svo að við séum súrir með lokatölurnar þá get ég ekki kennt spilamennsku þeirra um."

Greinilegt er að Liverpool séu komnir með nokkuð góðan hóp af ungum og efnilegum leikmönnum, og þá er bara að vona að þeir haldi áfram að bæta sig og fái sín tækifæri þegar þeir verða tilbúnir.