Steven Gerrard fór ekki með til Tyrklands

Rafael Benitez hefur ákveðið að hvíla nokkra lykilmenn liðsins í leiknum gegn Galatasaray á þriðjudagskvöldið. Þeir Steven Gerrard, Sami Hyypia, Steve Finnan og Jose Reina flugu ekki með liðinu til Tyrklands nú í morgun enda er ekkert í húfi nema heiðurinn þegar liðin mætast á Ataturk leikvanginum annað kvöld.

Ungir leikmenn eins og Miki Roque, Stephen Darby og Paul Anderson, sem allir urðu Unglingabikarmeistarar í vor, gætu allir tekið þátt í leiknum þar sem þeir eru í hópnum. Enginn þeirra hefur áður leikið með aðalliðinu. Að auki eru ungliðarnir Gabriel Paletta, Danny Guthrie, Lee Peltier og David Martin í hópnum

Hópurinn er þannig skipaður:  Dudek, Agger, Riise, Alonso, Crouch, Fowler, Pennant, Bellamy, Kuyt, Carragher, Paletta, Garcia, Guthrie, Peltier, Darby, Martin, Anderson og Roque.