Í hnotskurn

Fyrsta deildarmark Steven Gerrard á leiktíðinni dugði til að senda City heim til Manchester án stiga. Þetta er leikur Liverpool og Manchester City í hnotskurn.

- Úrslit leiksins urðu þau sömu og í leik liðanna á Anfield Road á síðustu leiktíð. Þá skoraði Harry Kewell eina markið.

- Steven Gerrard skoraði fyrsta deildarmark sitt á leiktíðinni.

- Robbie Fowler kom inn á og spilaði lokakafla leiksins gegn liðinu sem hann yfirgaf til að komast aftur heim til Liverpool.

- Robbie lék 92 leiki með City og skoraði 28 mörk.

- Jose Reina hélt marki sínu hreinu þriðja leikinn í röð.

- Liverpool hefur ekki fengið á sig mark í sex af síðustu sjö leikjum.

- Dietmar Hamann fékk ekki að spila á gamla heimavellinum sínum. Hann mátti verma varamannabekkinn.

- Didi lék 283 leiki með Liverpool  og skoraði ellefu mörk. Þrjú af mörkunum skoraði hann gegn Manchester City!

- Árangur Liverpool í deildinni á útivelli á þessari leiktíð hefur verið mikið til umræðu. Liverpool hefur aðeins hlotið tvö stig í deildarleikjum sínum. Það er þó helmingi meira en Manchester City hefur aflað á ferðum sínum.

Jákvætt:-) Liverpool komst á sigurbraut í deildinni. Steven Gerrard skoraði fyrsta mark sitt í deildinni á þessari leiktíð. Það virðist vera að koma meira öryggi í leik liðsins. Jose Reina er farinn að finna sig í markinu og hélt markinu hreinu þriðja leikinn í röð.

Neikvætt:-( Þar sem Liverpool vann bara með eins marks mun þá mátti aldrei neitt út af bera og ekkert var í höfn fyrr en flautað var til leiksloka.

Þrír bestu leikmenn Liverpool samkvæmt Liverpoolfc.tv:

1. Steven Gerrard. Skoraði glæsilegt mark og lagði hart að sér í þágu liðsins.

2. Daniel Agger. Átti yfirvegaðan leik í vörninni og virðist alltaf vera öryggið uppmálað.

3. Dirk Kuyt. Vann eins skepna fyrir liðið. Hann gerði frábærlega í að vinna návígið sem leiddi af sér sigurmarkið hans Steven Gerrard.