Carl Medjani farinn til Lorient

Franski varnarmaðurinn Carl Medjani er genginn til liðs við Lorient, þar sem hann var í láni frá Liverpool við góðan orðstír fyrir tveimur árum.

Medjani var keyptur árið 2003 frá St. Etienne og sagði þáverandi knattspyrnustjóri, Gerard Houllier, að hann hefði haft betur í baráttu við Arsenal, Man. Utd. og Bayern Munchen um kappann. Medjani lék hins vegar aldrei með aðalliði Liverpool og komst reyndar aðeins einu sinni í leikmannahópinn, þegar Liverpool lék gegn Kaunas í forkeppni meistaradeildarinnar í fyrra. Á síðasta tímabili var Medjani í láni hjá Metz. Nú hefur hann hins vegar endanlega yfirgefið herbúðir Liverpool.