Það styttist í stórleik!

Það styttist í leikinn um Samfélagsskjöldinn. Á sunnudaginn ganga leikmenn Liverpool og Chelsea til leiks á Árþúsundaleikvanginum í Cardiff. Liverpool fær þar tækifæri til að bæta Skildinum í verðlaunasafn sitt í fimmtánda sinn!!!!!!!

Spennan eykst hjá stuðningsmönnum Liverpool með degi hverjum. Liverpool.is mun ekki láta sitt eftir liggja og hér verður fylgst náið með undirbúningi leiksins nú síðustu dagana fyrir leikinn. Sem dæmi hefst í dag niðurtalning fyrir leikinn með ýmsum fróðleik um þátttöku Liverpool fyrr og nú í leiknum um Samfélagsskjöldinn. Að auki reynum við að birta það helsta sem er að frétta úr herbúðum Liverpool. Víst er að spennan fer vaxandi!