Rauða spjaldinu áfrýjað

Liverpool mun áfrýja rauða spjaldinu sem Luis García fékk í leiknum gegn West Ham í gærkvöldi. Hayden Mullins leikmaður West Ham fékk rautt á sama tíma og verður því spjaldi líka áfrýjað. Enda full ástæða til, því ef þessi spjöld verða látin gilda missa báðir leikmennirnir af úrslitaleiknum í enska bikarnum.

"Við vitum hversu mikilvægur úrslitaleikurinn er. Á Spáni er mögulegt að dæma leikmann í tveggja til fjögurra leikja bann. Það væri nóg að leikmennirnir færu í tveggja leikja bann og næðu að spila úrslitaleikinn því að þetta voru ekki alvarleg brot."

Alan Pardew tók í svipaðan streng og nú er að sjá hvað enska knattspyrnusambandið gerir.