Rafael vill sigur gegn Everton

Rafael Benítez vill að leikmenn sínir haldi sigurgöngunni í deildinni áfram og vinni sigur á nágrönnum sínum í kvöld. Liverpool mátti lúta í gras fyrir Everton á Goodison Park á síðustu leiktíð en nú vonast Rafael til að blaðinu verði snúið við.

"Við höldum til leiks í grannaslaginn fullir sjálfstrausts. Nágrannarimman er ólík öllum öðrum leikjum en við hlökkum til leiksins og við ætlum okkur að gera okkar besta. Við vitum að sigur okkar yrði mikilvægur fyrir okkur og stuðningsmennina. En stigin þrjú eru það sem mestu máli skiptir. Við náðum þremur stigum af Newcastle og nú vil ég fá þrjú stig gegn Everton. Við vitum að við vorum ekki upp á okkar besta þegar við töpuðum 1:0 þarna á síðustu leiktíð. En í þetta skiptið vil ég að við vinnum sigur. Það er alltaf frábær stemmning á þessum leikjum og núna veit ég sjálfur meira um hvað nágrannarimmur snúast."