Graeme Souness:"Liverpool voru stórfenglegir"

Graeme Souness sagði að leikur Xabi Alonso og Steven Gerrard hafi verið meginástæðan fyrir auðveldum sigri Liverpool á Newcastle á annan dag jóla. Graeme var sjálfur miðjumaður hjá Liverpool á gullaldarárum félagsins og er nafn hans skráð með gyltum stöfum í sögubækur Liverpool Football Club.

Graeme Souness sagði:"Liverpool voru stórfenglegir í fyrri hálfleik og við lélegir. Margir leikmenn þeirra áttu framúrskarandi leik og þá sérstaklega miðjumennirnir tveir, Xabi Alonso og Steven Gerrard"

"Við vorum algjörlega yfirspilaðir í fyrri hálfleik og ég get ekki kvartað yfir úrslitunum. Við réttum aðeins úr kútnum í seinni hálfleik án þess að skapa okkur færi. Það olli vonbrigðum að Michael Owen fékk ekki úr neinu að moða."