Benítez bálreiður við Blatter
Þjálfari skemmtikraftana í Sao Paolo segir að úrslitin séu það sem skipti máli. Það má til sanns vegar færa en fyrr má aldeilis fyrr vera! Eitt mark og allt liðið var komið í vörn. Dúndrað fram og smá hjálp frá dómaranum og öðrum línuverðinum.
Benítez fór beint til Sepp Blatter í leikslok og eflaust ekki til að óska honum til hamingju með gott mót. Benítez sagði að þetta hefði verið einkasamtal og blaðamönnum kæmi því það ekkert við en bætti við að afar ólíklegt væri að mexíkóskur dómari og kanadískur línuvörður yrðu látnir dæma í úrslitaleik heimsmeistarakeppninnar! Það er ekki beint hægt að segja að Benítez láti jafnan öllum illum látum ef honum finnst eitthvað athugavert. Það þurfti því algjöran skandal eins og í úrslitaleiknum þegar mark var dæmt af Pongolle, fautalegt brot Lugano á Gerrard var ekki rautt spjald (hvað skiptir máli þó að hann hefði ekki verið síðasti maður - þetta var aftaka að úrúgvæskum hætti) og Kewell skilur ekki ennþá hvenær sniðglíma á lofti varð lögleg í fótbolta.
17-0 í hornspyrnum og 21-4 í skotum segir ýmislegt um gang leiksins. Leikmenn Liverpool, framkvæmdastjórinn og aðdáendurnir eru svekktir en dagur kemur eftir þennan dag. Nú verðum við að halda okkar striki í deildinni og sýna Michael Owen og félögum í Newcastle í tvo heimana á annan í jólum.
-
| Sf. Gutt
Sepp hefur komið sterkur inn -
| Sf. Gutt
Ben Doak orðinn heill heilsu -
| Sf. Gutt
Cody Gakpo einn af sex markakóngum! -
| Sf. Gutt
Tap í æfingaleik -
| Sf. Gutt
Fimm komnir til æfinga -
| Sf. Gutt
Æfingaleik bætt við -
| Mummi
Liverpool Open - Golfmót -
| Sf. Gutt
Af Suður Ameríkukeppninni -
| Sf. Gutt
Spánn Evrópumeistari! -
| Sf. Gutt
Af Suður Ameríkukeppninni