Sterkt lið gegn Crystal Palace

Rafael Benítez telur líklegt að það verði einn til tveir ungir leikmenn í hópnum sem mætir til leiks á Selhurst  Park á þriðjudag en hann muni stilla upp sterku byrjunarliði í leiknum.

Benítez sagði: "Við höfum nokkra möguleika fyrir þennan leik. Við erum að spila í mörgum keppnum og á þessari leiktíð höfum við breiðari leikmannahóp en í fyrra."

"Hugmyndin er að mæta með sterkt lið gegn Crystal Palace."

Liverpool fór í úrslitaleik Deildarbikarsins á síðustu leiktíð. Liðið tapaði 3:2 eftir framlengingu í úrslitaleiknum. Á leiðinni, allt til undanúrslita, var uppistaðan í liðinu ungir leikmenn. Það er spurning hvort einhver áherslubreyting sé nú fyrirhuguð í keppninni miðað við síðustu leiktíð.