Le Tallec með þrennu fyrir Frakka

Antony Le Tallec gerði sér lítið fyrir og skoraði þrennu fyrir U21 landslið Frakka í gær. Sigur franska liðsins tryggði því farmiðann á Evrópukeppni U21 landsliða á næsta ári. Framherjinn er eins og kunnungt er í láni hjá Sunderland frá Liverpool þetta tímabilið. Hann skoraði öll mörk franska liðsins í 3-0 sigri á Svisslendingum auk þess sem hann átti eitt skot í tréverkið.