Florian Wirtz er ekki í lagi!

Florian Wirtz er ekki í lagi! Þjóðverjinn missti af leik Liverpool við Nottingham Forest um síðustu helgi og hann getur ekki heldur spilað núna um helgina þegar Liverpool mætir West Ham United á Anfield Road. 

Florian átti að vera í byrjunarliðinu á móti Forest en fann fyrir eymslum í baki og læknalið Liverpool lagðist gegn því að hann myndi spila. Öruggt var talið að hann myndi vera búinn að ná sér fyrir leikinn á móti West Ham en svo verður ekki. Það er víst áfall því Florian er búinn að vera frábær síðustu vikurnar.  

Á móti kemur að Jeremie Frimpong er búinn að ná sér af sínum meiðslum og getur spilað á morgun. Það er þó ekki víst að hann verði í byrjunarliðinu en gott er að hann verður til taks.