Joe Gomez úr leik!

Joe Gomez er úr leik í bili. Hann tognaði snemma í fyrsta æfingaleik Liverpool í Bandaríkjunum og missir af fyrstu leikjum leiktíðarinnar.

Það er því miður ekkert nýtt að Joe sé frá vegna meiðsla en hann hefur verið lygilega óheppinn með meiðsli á ferli sínum hjá Liverpool. Góðu fréttirnar eru þó þær að meiðslin eiga ekki að vera alvarleg. 

Joe Gomez hefur manna lengst verið hjá Liverpool. Hann kom frá Charlton Athletic sumarið 2015.