Jürgen Klopp í ábyrgðarmiklu hlutverki!

Jürgen Klopp brá fyrir í beinni sjónvarpsútsendingu í dag. Hann er nú staddur á Vetrarólympíuleikunum á Ítalíu og fékk þar ábyrgðarmikið hlutverk í boðkeppni í skíðagöngu.

Þjóðverjinn hringdi bjöllunni í 4x7,5 kílómetra boðgöngu karla á skíðum. Hringingin gaf til kynna að keppendur ættu einn hring eftir í mark.

Jürgen Klopp er skíðaáhugamaður og kom um árið í skíðaferð til Íslands sem hann sagði hafa verið mikla upplifun. Hann var, ef rétt er vitað norður í Fljótum.

Þess má geta að Frakkar unnu boðgönguna. Norðmenn voru í öðru sæti og Svíar í þriðja. Þjóðverjar voru fjórðu. Keppnin var í beinni útsendingu í Ríkisútvarpinu. 

Vetrarólympíuleikunum á Ítalíu standa nú yfir. Þeir eru opinberlega kenndir við Mílanó og Cortina d'Ampezzo. Einnig er keppt á fleiri stöðum á noður Ítalíu.   

Hér má sjá okkar mann hringja bjöllunni góðu í dag. Fréttin er tekin af vefsíðunni Fotbolti.net.