Dregið í Deildarbikarnum

Liverpool tók fyrstu skrefin á Deildarbikarvegferð sinni með sigri á Southampton. Nú liggur fyrir í hverju næsta verkefni felst. Verkefnið verður að ganga á hólm við bikarmeistara og Skjaldarhafa Crystal Palace. Það verður erfitt að leika við Palace en til bóta er að leikurinn fer fram á Anfield Road. Spilað verður í lok október.  

Liðin eru nú þegar búin að spila tvívegis á leiktíðinni. Nú síðast um helgina þegar Crystal Palace vann í London. Áður vann Palace Skjaldarleik liðanna í vítaspyrnukeppni.